Nvivo er eit verktøy for effektiv behandling av kvalitative data.

Det hjelper deg å organisera, koda og visualisera dine datasett slik at du lettare kan trekka fram det mest vesentlege. I staden for å bruka markeringstusj og post-it kan du bruka Nvivo.

Programmet har uendeleg med moglegheiter, men det fine er at du ikkje treng å kunne alt for å bruka Nvivo. Etter kvart som du ser kva du treng å finna ut kan du testa nye funksjonar. Programmet kan altså brukast av både nybegynnarar og ekspertar.

Merk at Nvivo er eit program, ikkje eit menneske. Med dette meines at du må gjera den grunleggjande tankevirksomheten, så tek programmet seg av det tekniske. Dersom det skulle visa seg at du har brukt feil metode eller ikkje stilt dei rette spørsmåla vil dessverre ikkje Nvivo kunne hjelpa deg med det.