Kan eg bruka "Eg"?

 

Eit spørsmål som veldig ofte blir stilt av studentar som skal skriva oppgåve er:

 

"Kan eg bruka 'Eg'?"

Det korte svaret er "Ja, men snakk med faglærar". Han eller ho kan ha spesifikke preferansar og desse er det fint å ta omsyn til. 

Det er også av betydning kva du studerer, og dermes skal skriva oppgåve i. Innan nokre fagfelt, særleg innan Teknisk-naturvitskaplege fag, har det tradisjonelt ikkje vore vanleg å bruka"eg". I dei fleste av desse oppgåvene og studiene blir det utført konkrete eksperiment, og det er lite rom for personlege betraktningar og eigne erfaringar. 

-----------------------------------------------------------------------------------------------------------------------------------------

Så, når kan du bruka "Eg"?

Rienecker og Jørgensen (2013, s.278) seier at du kan bruka "eg" i 

“Innledning, konklusjoner, og der du undersøker, velger ut, analyserer, oppsummerer, siterer, drøfter, diskuterer”.

Altså når du til dømes:

• presenterer kva oppgåva skal handla om og kvifor du har valgt dette
• konkluderer med kva du har funne ut
• forklarer kvifor du har valgt dette datagrunnlaget
• forklarer kvifor du brukar akkurat det dømet/den situasjonen som døme
• forklarer korleis du har analysert
• støttar opp med "fordi". "Eg meiner dette styrkar min hypotese fordi"

 

Det du vil unngå er at lesaren sit igjen med kjensla av å ha lese ein blogg. Det vil seia at du har "synsa" deg gjennom teksten utan å begrunne kvifor du meiner det du skriv.